Sefaraires


SEFARAires
Aires de Sefarad en Buenos Aires
Tradiciones Sefaradíes
La mueva patria
Por Graciela Tevah de Ryba
lygryba@arnet.com.ar

En el kuartier de Villa Crespo morávamos ashkenasíes i sefaradíes. Los ashkenasíes abían fraguado la grande eskola Sholem Aleijem en la kaleja Serrano, muy serka de la muestra Komunidá Sefaradí de la Kaleja Kamargo, no mankava chikitiko ke no fuera a eya, ande se ambezaban idish, akeyos elevos eran ijos de imigrantes de la Europa.

El 14 de mayo, la Asamblea General de las Organisaziones Unidas votó por un Estado, i diridjentes de la Ajensia Djudía, fueron ande David Ben Gurión (kon sus kaveyos envolando) ke meldó la akta de la fundasión del Estado de Israel kon grande alegría, esmoviante minuto ainda asta oy kuando vemos en la televisión saliendo de su aoto, entrando a la kaza ke se izo afamada por este etcho.

Yo era chikitika ama tengo el rekodro de ese dya, ainda no abía televisión, i teniamos la radio para los haveres muevos. Esa notche, mi padre asentado kon un djigarro en la mano, kuando el lokutor disho ke en la ONU firmaron la deklarasión del Estado, grande fue la alegría yamándonos para darnos este haber muevo. A la demanyana enviniente, los magazines estamparon kon grandes letras estos biervos:” Se deklaró el Estado de Israel”, los chikitikos de las eskolas ebreas salieron a las kalejas a bailar i kantar, la AMIA komunikaba la notisia a komunidades i eskolas.

Muestra Komunidá tenia el Klub Sosial en la kaleja Acevedo kon un grande salón, i me akodro la fiesta ke se fraguó para este akontesimiento, en el salón avía bandieras de Ardjentina i de Israel, mesas largas kon todo para komer i bever; djente avlando del emportante momento, no mankava dinguno de los muestros para fiesteyar, kon Raquel Aljanati, Beatriz Mazliah, Matilde Farji i Susana Donio djugábamos a la rayuela.

Kantaron La Tikvá en djudezmo: Rey de los reyes ké es el Dio, El mos dio la tierra ke mos prometió i salimos a bailar en la kaleja, afilú el tino puesto en lo ke iba a akonteser al dya enviniente de la deklarasión, kon dolor komentavan ke la Ardjentina no abía votado, enmientras ke el Uruguay país vizino muestro, lo izo a favor, ansina ibamos por las kalejas fiestando. Los djovenes de los movimientos sionistas se ambezaban el lavoro de la tiera en granjas a 90 kms de la muestra sivdá, i dempues de un anyo viajavan para morar en los kibutzim. Estos djovenes kada semanada iban de kaza en kaza vendiendo crema, manteka i miel ke azín eyos, mi madre djunto a las vizinas asperavan estos produktos de buena kalidá i savor para azer kumidas

El Kerem Kayemet, repartía panyuilikos de seda kon el mapa de Israel, mi marido tiene uno ke lo guadra komo tresoro. Dempues djovenes i famiyas enteras fueron a morar en Israel, oy dezeamos ver la paz, arogando al Dio ke sea definitiva.


 

Creación y Dirección:
Arq. Luis León

Asesores de dirección y colaboradores permanentes
Sr. José Mantel
Dr.Santó Efendi (EEUU)

Declarado de "Interés Cultural" por Departamento de Cultura de AMIA ( Asociación Mutual Israelita Argentina) y
CIDICSEF ( Centro de Investigación y Difusión de la Cultura Sefaradí)

Todos los artículos, son colaboraciones ad-honorem de los respectivos autores, y reflejan sus opiniones personales. La dirección y redacción de SEFARaires, puede no coincidir con el contenido de algún artículo, siendo el mismo de total responsabilidad del autor. Se autoriza la reproducción total o parcial del contenido de los Sefaraires, mencionando la publicación y el autor.

SEFARaires es un magazín menzual independente, i el scopo es la difuzión de la kultura sefaradí i su lingua el djudesmo. Keremos ansí tanbién ke los lektores de todo el mundo, se ambezen la ystoria de los djidiós yegados de Turkya a la Argentina. Se invía por e-mail, sen koste para akeos ke mos lo demanden a muestro adereso.

SEFARaires es una  publicación mensual independiente, y su objetivo es la difusión de la cultura sefaradí y su lengua el judeo-español.  Se propone además, hacer conocer a sus lectores de diversas partes del mundo, la historia de los judíos de Turquía llegados a la Argentina. Se envía por e-mail, gratuitamente a quienes lo solicitan a nuestra dirección.

SEFARaires e una pubblicazione  mensile, indipendente, il  cui   obbiettivo   é la  diffusione  della  cultura sefardita  e della sua  lingua,il giudeo spagnolo. Si propone  inoltre di  fare conoscere ai suoi lettori, delle diverse parti del  mondo, la storia  dei giudei di  Turchia, arrivati a la Argentina. Si invia per email, gratuitamente  a coloro che  lo richiedano.

SEFARaires is an independent monthly  publication whose objective is the difusion of Sephardic culture and the Judeo-Spanish language.  Its objective is to make known to its readers all over the world the history of Jews of Turkey who immigrated to Argentina. SEFARaires is sent, without charge, by e-mail to all who request it.

SEFARaires est une publication mensuelle et indépendante qui a l'objectif de diffuser la culture séfarade et la langue judéo-espagnol . SEFARaires veut faire connaître aux lecteurs de plusieurs pays, l'histoire des juifs turcs, émigrés en Argentine. Vous pouvez demander l'envoi  gratuit  par E-mail à l'adresse