Sefaraires


SEFARAires
Aires de Sefarad en Buenos Aires
TRADICIONES SEFARDÍES
Rekodros de mi chikez en San Telmo
Por Esther Cohen
esthercohen@speedy.com.ar
Las kalejikas de Buenos Aires tienen un no se kualo…………Esto lo disheron munchos por aki, ma yo lo bivi en el kartier ande nasi. Yo vide la lus en San Telmo. Avia una kaleja, ke aínda se yama Defensa. Esta serka del porto, de ande fueron viniendo muestros padres i nonos, abashando de los barkos ke los traian de Evropa y Afrika del Norte.
En esta kaleja, bivian munchos djudios sefaradies. Todos laboravan y tinian sus tienda. Ken vindia chapines, ken vindia telas por metro, komo mi padre, ke djunto a sus ermanos, tinia una butika en la esquina de Humberto 1º y Defensa, enfrente djusto ande esta agora la “Feria de San Telmo” ande venden antigwedades. Ay vezes ke se topa en sus vitrinas bokales de cristales color mavi claro chikitikos ke me azen akodrar lo ke tiniamos en kaza para meter el raki.
En el charchi, se vendia frutas y vedruras komo lo bueno de este mundo. Tambien avia butikas ke vindian platos, kupas i todo lo ke era menester para una kaza.
Todos mos konosiamos. Vizinos kristianos y musulmanos conbivíamos djuntos y en paz. En la skola, la tunika blanka de los elevos mos azia a todos semejantes, en desparte ke fueramos djudios, kristianos o arabos.
Kuando se aserkava Mue, todos savian ke las butikas se serravan y la kaleja Defensa paresia muda. Mismo akontesia kuando yegavan las fiestas kristianas.
Mi padre i mis tios se vistian lo mijor ke tinian, se mitian los chapeos, besavan la Mezuza y se encaminaban al Kal. La kaleja Defensa se yenava de ombres bien vistidos. Los demas mos miraban. Los Cohen, Galante, Itzaki, Bonomo, Noe, Abrevaya, David, Spoliansky, Papouchado, Pessoa, Matles, Guitelman, son los ke rekodro de akel kartier.
Para mi, todo era conocido, kuando eramos chikos, djugavamos, saviamos ande morava kada uno i uno i mos vijitavamos.
Todo esto kambio, mesmo komo la vida. Se fueron despartiendo todos. Komo tantas vezes en la estoria de los djudios sefaradies vino el egsilio para otros karties y para otros payses.
Yo yevo adientro de mi alma el rekodro y la nostalgia de akeyos dias. Visito las kalejas y veo komo ainda está la kaza ande moravamos i siento ke sus alma estan deinda yevandome de la mano, komo mi padre, devagar…….devagar……..

Bokales: botellas / mavi: azul / en desparte: a pesar que…/

 

Creación y Dirección:
Arq. Luis León

Asesores de dirección y colaboradores permanentes
Sr. José Mantel
Dr.Santó Efendi (EEUU)

Declarado de "Interés Cultural" por Departamento de Cultura de AMIA ( Asociación Mutual Israelita Argentina) y
CIDICSEF ( Centro de Investigación y Difusión de la Cultura Sefaradí)

Todos los artículos, son colaboraciones ad-honorem de los respectivos autores, y reflejan sus opiniones personales. La dirección y redacción de SEFARaires, puede no coincidir con el contenido de algún artículo, siendo el mismo de total responsabilidad del autor. Se autoriza la reproducción total o parcial del contenido de los Sefaraires, mencionando la publicación y el autor.

SEFARaires es un magazín menzual independente, i el scopo es la difuzión de la kultura sefaradí i su lingua el djudesmo. Keremos ansí tanbién ke los lektores de todo el mundo, se ambezen la ystoria de los djidiós yegados de Turkya a la Argentina. Se invía por e-mail, sen koste para akeos ke mos lo demanden a muestro adereso.

SEFARaires es una  publicación mensual independiente, y su objetivo es la difusión de la cultura sefaradí y su lengua el judeo-español.  Se propone además, hacer conocer a sus lectores de diversas partes del mundo, la historia de los judíos de Turquía llegados a la Argentina. Se envía por e-mail, gratuitamente a quienes lo solicitan a nuestra dirección.

SEFARaires e una pubblicazione  mensile, indipendente, il  cui   obbiettivo   é la  diffusione  della  cultura sefardita  e della sua  lingua,il giudeo spagnolo. Si propone  inoltre di  fare conoscere ai suoi lettori, delle diverse parti del  mondo, la storia  dei giudei di  Turchia, arrivati a la Argentina. Si invia per email, gratuitamente  a coloro che  lo richiedano.

SEFARaires is an independent monthly  publication whose objective is the difusion of Sephardic culture and the Judeo-Spanish language.  Its objective is to make known to its readers all over the world the history of Jews of Turkey who immigrated to Argentina. SEFARaires is sent, without charge, by e-mail to all who request it.

SEFARaires est une publication mensuelle et indépendante qui a l'objectif de diffuser la culture séfarade et la langue judéo-espagnol . SEFARaires veut faire connaître aux lecteurs de plusieurs pays, l'histoire des juifs turcs, émigrés en Argentine. Vous pouvez demander l'envoi  gratuit  par E-mail à l'adresse